《祖先開眼》分集劇情介紹

CK訓唔着出廳點香，見晶，CK決定演出。童學禮約見以前條女，己變成肥婆，帶個私生仔來見他，甘守志建議揾個人回來話系自己個私生仔便是，禮十分煩惱。禮回家繼續與志度計，禮妻發爛渣，指當自己冇到，Annie邦口，禮記起女姐，決意要去揾女姐。　　甘守志去揾龍，志講出遺產事，龍裝大話系仔，龍去揾女姐商量，龍向女姐講起童家仔女事，靈機一觸，叫Leslie假扮，龍帶Leslie去童家，Leslie死充，但飛早有準備，有醫生在，馬上抽Leslie血去驗DNA，二人在飯廳大魚大肉搏命食，醫生證實DNA不符。童學禮趕二人走，Leslie破口大罵，與龍互相埋怨。Annie藉故當眾侮辱CK，CK終頂唔順，唔做走人，CK回去向女姐講辭職事，女姐十分贊成，CK回去演劇，Long來捧場，Leslie，女姐亦去，秦浪出院，條氣唔順，令CK出醜，但晶助，再上浪身，再被人打到重傷，演出極之成功，齊去宵夜慶祝。但在巷中遇貴利佬，挾走CK與Leslie二人。貴利佬叫女姐比錢贖人。女姐向禮求救，指CK是仔，叫他邦手救CK與Leslie。Leslie與CK被綁當狗，自怨自艾，CK想設法偷走，晶來到，法力全部神神地，搞到糊塗，十分驚險。龍取錢到贖人，貴利佬發現CK與Leslie偷走，認為龍玩野，後Long報警，警方至救三人，禮與飛亦至，見CK的男裝，飛有Feel，指他一定是自己個孫。